خَارِطَة الوجَع !

*
مَا تِدَلّى غِير غُصْن وْ
لا انْحَنَى !
للكُفُوف إلاّ الموَشّى
بـ الجَنَى !
غُصْن مُورِق بالحَيَاة
لـ كُلّ حَيّ !
غُصْن مُورِق بالحَيَاة
لـ نِصْف حَيّ !
غُصْن مُورِق للحَيَاة
لـ كُلّ شَيّ !
مُورِقٍ بالعِشْق مُغْرَق بالهَنَا !


***

يِرْتَفِع ثُم يَرْتَفِع
كُل مَا دَنَى
لـ شْفَاه صُبْح !
يِرْتِفِع ثُم يِرْتِفِع
عَن مَا دَنَى
مِن كُلّ قُبْح !!



***

أذْكُر إنّه كَان يَهْمِس بـ إذن عصْفُورِين
عَن خَوْفِه من الأمْس وْ
خَفَايَا [ سِرّ ] لاَ [ سِرّين ]
لا .. أكثَر !!
حَنَايَا [ صَدْر ] لا [ صَدْرِين ]
لا .. أكثَر !!
بِقَايَا [ عُمْر ] لا [ عُمْرِين ]
لا .. أكثَر !!

مِثِل حُلْم اليِتِيم
ـــــــــــــــــ بشَيء اسْمُه [ أُمّ ] !
مِثِل حُلْم العَقِيم
ـــــــــــــــــ بْـ مَوْلِد وْ مَأتَمّ !!
مِثِل حُلْم العَدِيم
ــــــــــــــــــ بـ لُقْمِتِين وْ فَمّ !!

:
مِثِل هَذَا السّمَا لـْ [ طِيرين ]
مِثِل هَذَا المَسَا وْ [ عِطْرِين ]
مِثِل هَذَا الأسَا وْ تَدْرِين !!
مِثِل مَا مَرّ [ مُرّ ] بـْ قَرنَنَا العِشْرِين ،
بَلاَ [ مَرْمَر ] وَ لاَ تْمُرّين !!
:

:

:

وَ لَكِن :
مَا تِدَلّى غِير [ غُصْن ] وْلاَ ذَوَى !
مَا تَمَلّى غِير [ جِفْن ] وْ لا انْكَوَى !
مَا تِجَلّى غِير [ سِجْن ] وْ مَاحَوَى !!
حَيّ مُورِق بالحَيَاه
حَيّ مُغْرَق بَالهَنَا !!